సైరా నరసింహా రెడ్డి మూవీ రివ్యూ

నటీనటులు : చిరంజీవి, నయనతార,అమితాబ్ బచ్చన్, తమన్నా, జగపతిబాబు, విజయ్ సేతుపతి, సుదీప్, రవి కిషన్,బ్రహ్మాజీ, బ్రహ్మానందం,నిహారిక తదితరులు.

దర్శకత్వం : సురేందర్ రెడ్డి

నిర్మాత‌లు : రామ్ చరణ్

భారతదేశాన్ని ఆక్రమించుకునే క్రమంలో బ్రిటిష్ దళం చేసే అన్యాయాలకు అక్రమాలకు ఎదురుతిరగలేక పాలెగాళ్లు అందరూ లొంగిపోతారు. అయితే రేనాడు ప్రాంతానికి చెందిన రాజు (పాలెగాడు) ఉయ్యాలవాడ నరసింహా రెడ్డి(చిరంజీవి) బ్రిటిష్ సైనికులకు ఎదురుతిరిగి వారు దోచుకోబోతున్న భూమిని సంపదను అడ్డుకుని ప్రజలకు అండగా నిలబడతాడు. ఈ క్రమంలో నరసింహా రెడ్డి తను ఇష్టపడిన లక్ష్మి (తమన్నా)ను పెళ్లి చేసుకోవాలని నిర్ణయం తీసుకుంటాడు. కానీ తనకు చిన్నప్పుడే సిద్దమ్మ (నయనతార)తో పెళ్లి అయిపోయింది అని నరసింహా రెడ్డికి తెలుస్తోంది. ప్రజల కోసం తన ప్రేమను త్యాగం చేసిన నరసింహా రెడ్డి, దేశం స్వేచ్ఛ కోసం కుటుంబాన్ని కూడా దూరం చేసుకుంటాడు. అలా బ్రిటిష్ వాళ్ళ పై తన పోరాటాన్ని ముమ్మరం చేసి.. తోటి పాలెగాళ్ళలో మార్పు తెచ్చి.. దేశ స్వాతంత్య్రం కోసం పెద్ద ఉద్యమాన్నే నడుపుతాడు. ఆ తరువాత జరిగిన కొన్ని నాటకీయ సంఘటనల అనంతరం నరసింహా రెడ్డి బ్రిటిష్ వాళ్ళను ఎలా ఎదురుకున్నాడు? ఈ క్రమంలో ఆయన ఎదుర్కొన్న పరిణామాలు ఏమిటి? అసలు యుద్దానికి దారి తీసిన అంశాలు ఏమిటి? నరసింహా రెడ్డి పోరాటం ఆ తరువాత ఎవరెవరికి స్ఫూర్తిని నింపింది? లాంటి విషయాలు తెలుసుకోవాలంటే ఈ చిత్రాన్ని వెండితెరపై చూడాల్సిందే.

ఈ సినిమాకు సంబంధించి సాంకేతిక విభాగం గురించి మాట్లాడుకుంటే… రత్నవేలు సినిమాటోగ్రఫీ వర్క్ అద్భుతంగా ఉంది. సినిమాలోని వార్ సన్నివేశాలతో పాటు మిగిలిన యాక్షన్ సన్నివేశాలను కూడా ఆయన కథాకథనాలకు అనుగుణంగా అద్భుతంగా చిత్రీకరించారు. శ్రీకర్ ప్రసాద్ ఎడిటింగ్ కూడా చాలా బాగుంది. ఇక సంగీత దర్శకుడు అమిత్ త్రివేద్ సమకూర్చిన పాటలు బాగున్నాయి. వాటి పిక్చరైజేషన్ కూడా చాలా బాగుంది. అలాగే జూలియస్ పాకియం అందించిన నేపథ్య సంగీతం కూడా ఆకట్టుకుంటుంది. నిర్మాత రామ్ చరణ్ ఎక్కడా కాంప్రమైజ్ కాకుండా ఈ చిత్రాన్ని నిర్మించారు. ఆయన నిర్మాణ విలువులు అద్భుతంగా ఉన్నాయి.

స్వాతంత్ర్య పోరాట నేపథ్యంలో అత్యంత భారీ తారాగణంతో అత్యున్నత సాంకేతిక విలువలతో భారీ విజువల్స్ తో వచ్చిన ఈ భారీ ప్రతిష్టాత్మక చిత్రం అన్ని రకాలుగా ప్రేక్షకులను బాగా అలరిస్తోంది. అయితే కథ పరంగా వచ్చే కొన్ని సీన్స్ సినిమా స్థాయికి తగ్గట్లు పూర్తి స్థాయిలో ఆకట్టుకోవు. కానీ, దర్శకుడు సురేందర్‌ రెడ్డి సైరాను అద్భుతమైన యాక్షన్ అండ్ ఎమోషనల్ సన్నివేశాలతో చాల గొప్పగా తెరకెక్కించాడు. అన్నిటికి మించి మెగాస్టార్ చిరంజీవి తన నటనతో ఈ సినిమాని మరో లెవల్ కి తీసుకు వెళ్లారు. అలాగే మిగిలిన భారీ తారాగణం కూడా అద్భుతమైన నటనను కనబర్చారు. ఓవరాల్ గా ‘సైరా’ ప్యాన్ ఇండియా మూవీగా అభిమానులతో పాటు సాధారణ ప్రేక్షకులకు కూడా మంచి ప్రేరణ కలిగించే యాక్షన్ అండ్ ఎమోషనల్ విజువల్ ట్రీట్ లా అనిపిస్తోంది.

రేటింగ్: 3.0/5 

 

Be the first to comment

Leave a Reply

Your email address will not be published.


*